#ახალიამბები
წელს, პირველად აჭარაში სალაშქრო ფესტივალი ჩატარდება. ღონისძიება ზაფხულშია დაგეგმილი. 4 დღის განმავლობაში, მოლაშქრეები და მოგზაურები 45 კმ-ნ საფეხმავლო მარშრუტს „ჩირუხი-ხიხანი -შუამთის ტბები - ბეშუმი - გოდერძი - ალპური ბოტანიკური ბაღი“ დალაშქრავენ. ტურისტული ბილიკები მოიცავს ალპურ ზონას, ბუნებრივ და კულტურულ მემკვიდრეობას, შემეცნებით და ინტერაქტიულ აქტივობებს, კულინარიული მასტერკლასებსა და შეჯიბრებებს. ფესტივალი სტარტს ჩირუხში აიღებს და ალპურ ბოტანიკურ ბაღში დასრულდება. იგი აჭარაში პირველად ტარდება და მასში მონაწილეობა უფასოა. რეგისტრაცია მაისში დაიწყება.