#ახალიამბები
ხელვაჩაურის მერია, საახალწლო ნაძვის ხის ასანთებად ემზადება. სამონტაჟო სამუშაოები, მუნიციპალიტეტს უკვე დასრულებული აქვს. ნაძვის ხე, ოფიციალურად დღეს, 20 საათზე განათდება. მას, ფოიერვერკი მოყვება. ეს, მერიის შენობის ეზოში, დაწყებული საკონცერტო საღამოს კულმინაცია იქნება. ადგილობრივ ანსამბლებთან ერთად, მუსიკალურ ნომერს შეასრულებენ ნინი ბადურაშვილი, ნოდიკო ტატიშვილი, დათუნა მგელაძე და სალომე ბაკურაძე. ხელვაჩაურის მერია, საახალწლო ღონისძიებებისთვის, ბიუჯეტიდან, ჯამში 32 ათას ლარს ხარჯავს. საახალწლო ღონისძიებების სამზადისშია ქობულეთის მერიაც. ადგილობრივი და მოწვეული შემსრულებლებით საღამოები დაგეგმილია 25 დეკემბრიდან 2 იანვრის ჩათვლით. მონაწილეებს შორისაა მეგი გოგიტიძეც, რომელიც ამ დრომდე რუსეთში მღერის. ქობულეთის მერიას, საახალწლო ღონისძიებებისთვის ჯამში 250 ათასი ლარი აქვს გამოყოფილი.