#ახალიამბები
აჭარის სოფლის მეურნეობის მინისტრმა 2023 წელს გაწეული საქმიანობა შეაჯამა. ანგარიშს, რეგიონის მთავრობის წევრების გარდა, საქართველოს სოფლის მეურნეობის მინისტრიც ესწრებოდა. დოკუმენტის მიხედვით, მიმდინარე წელს, სოფლად მეწარმეობის განვითარების ხელშეწყობის ფარგლებში, ექვსი პროექტი დაფინანსდა, როგორც პირველადი წარმოების, ისე გადამუშავება-შენახვა-რეალიზაციის მიმართულებით. მინისტრმა ისაუბრა საოჯახო მეურნეობების ხელშემწყობ პროგრამებზეც. ანგარიში ეხებოდა საგაზაფხულო სამუშაოებისთვის მხარდამჭერ ღონისძიებებსაც. ზაზა შავაძემ კიდევ ერთხელ შეაჯამა ციტრუსის მიმდინარე სეზონი და ყურადღება გაამახვილა სამომავლო გეგმებზეც. უწყების 2024 წლის ბიუჯეტი, 11%-თაა გაზრდილი და 32 მილიონ ლარზე მეტია.