#ახალიამბები
ათიდან ერთი მოქალაქე ემიგრაციაზე ფიქრობს. ეს NDI-ს მიერ ჩატარებულმა კვლევამ აჩვენა. კითხვაზე, რამდენად მოსალოდნელია, რომ მომდევნო 12 თვის განმავლობაში თქვენ სამუშაოდ საზღვარგარეთ წახვალთ - 80% ამბობს, რომ არ არის მოსალოდნელი, 16%-ის თქმით, მოსალოდნელია, ხოლო 3%-მა პასუხი არ იცის. ეროვნულ-დემოკრატიული ინსტიტუტის მიერ ოქტომბერში ჩატარებული კვლევის თანახმად, ემიგრაციის სურვილი ყველაზე მაღალი ეთნიკური უმცირესობების დასახლებებში, ახალგაზრდებში, კაცებში, ოპოზიციის მხარდამჭერებსა და გადაუწყვეტელ ამომრჩეველშია. ამასთან, დაახლოებით, ათიდან ერთ მოქალაქეს ჰყავს ოჯახის წევრი, რომელიც უცხოეთში ცხოვრობს და ფულს უგზავნის. შეგახსენებთ, კვლევა 14 ოქტომბრიდან 4 ნოემბრამდე პერიოდში ჩატარდა და 2 ათას 68 დასრულებულ ინტერვიუს მოიცავს. საშუალო ცდომილების ზღვარი კვლევაში +/- 2,2 პროცენტია.