#ახალიამბები
ბათუმის ავარიული შენობა-ნაგებობების გამაგრება-აღდგენისთვის, 2024 წელს 3 მილიონი უნდა დაიხარჯოს. ბათუმის მერიის საქალაქო ინფრასტრუქტურისა და კეთილმოწყობის სამმართველოს, ტენდერი უკვე გამოცხადებული აქვს. წინადადებების მიღება, მომდევნოს წლის 3 იანვარიდან 8 იანვრის ჩათვლით პერიოდში იწარმოებს. პირობის მიხედვით, გამარჯვებულმა, სამუშაოები მომდევნო წლის 11 დეკემბრამდე უნდა დაასრულოს. გამაგრებითი სამუშაოები იმ შენობებს ჩაუტარდებათ, რომლებიდანაც, ამხანაგობები ნოტარიულად დამოწმებულ ცნობებს წარადგენენ, რომ თანახმა არიან განხორციელდეს სამუშაოები. მერიაში ვარაუდობენ, რომ სამ მილიონ ლარად, ხუთი კორპუსის გამაგრება დაფინანსდება. თვითმმართველობის მიერ ჩატარებული აღწერის და საექსპერტო დასკვნების მიხედვით, ქალაქში, 170 ავარიული საცხოვრებელია აღრიცხული.