#ახალიამბები
ხალხის პროტესტმა შედეგი გამოიღო - ქობულეთში, ბეჟანიძეების გამოსახლების პროცესი, რომელიც დილიდან მიმდინარეობდა, განუსაზღვრელი ვადით გადაიდო. საცხოვრებელს, მოქალაქეები ცოცხალი ჯაჭვით იცავდნენ. ადგილზე იმყოფებოდნენ დაზარალებულების მეგობრები, ახლობლები, უფლებადამცველები, ოპოზიციური პარტიების წევრები. მიმდებარე ტერიტორიაზე მობილიზებული იყო სასწრაფო-სამედიცინო დახმარების ჯგუფი და პოლიცია. ბეჟანიძეებს, სახლის ახალ მფლობელთან მოლაპარაკება სურდათ, რომელიც შეთავაზებულ 200 000 დოლარს არ თანხმდება და საცხოვრებლის დაცლას ითხოვს. ოჯახის ქონება, ფინანსური დავალიანების გამო, ბანკმა 2016 წელს აუქციონზე გაყიდა, რომელიც 85 ათას დოლარად მეუფე იაკობმა იყიდა. ამ უკანასკნელმა კი შენობა ვინმე ბესარიონ ბალავაძეს 2022 წელს მიჰყიდა. ბეჟანიძეების 5-წევრიან ოჯახში 3 მცირეწლოვანი ბავშვი და ერთი ჯანმრთელობის პრობლემების მქონე პირი ცხოვრობს. ვრცლად, გიამბობთ მთავარ გამოშვებაში.