#ახალიამბები
200-მდე ქართული არასამთავრობო ევროკომისიას მიმართავს. ორგანიზაციები საქართველოში არსებული პრობლემების მიუხედავად, 12 პრიორიტეტის ობიექტურ შეფასებასა და რეკომენდაციის გაცემას სთხოვენ, რომ 2023 წლის დეკემბერში ევროპულმა საბჭომ კანდიდატის სტატუსი მოგვანიჭოს. მათი განცხადებით, საქართველოს მოქალაქეების ინტერესია, რომ ქვეყანაში ევროპული დემოკრატიული ღირებულებები დამკვიდრდეს. მესამე სექტორის საერთო მიმართვაში ნათქვამია, რომ ჩვენი, მოსახლეობის, ურყევი არჩევანი და სასიცოცხლო ინტერესია, საქართველო გახდეს ევროკავშირის წევრი ქვეყანა, რომელშიც თითოეული მოქალაქე იცხოვრებს ღირსეულად - მშვიდობიან, შეძლებულ, თავისუფალ და სამართლიან სახელმწიფოში.