#ახალიამბები
“ნაციონალურ მოძრაობაში“ ხელისუფლების ახალ გადაწყვეტილებას აპროტესტებენ. ხელისუფლების ოპონენტები მავნებლურს უწოდებენ მთავრობის მიერ მიღებულ დადგენილებას, რომლის მიხედვითაც, ქერის, პურის ფქვილის და ქატოს იმპორტის გადასახადი გაიზარდა. „ნაცმოძრაობის“ წევრები აცხადებენ, რომ მიღებული დადგენილება, პირდაპირ კავშირშია პრემიერმინისტრის პირად ინტერესთან. მათი თქმით, მოახლოებული დღესასწაულების წინ, ხორბლის ფქვილის გაძვირება მოსახლეობას კიდევ უფრო მძიმე მდგომარეობაში ჩააგდებს. აცხადებენ, რომ ეს ხალხის გაღარიბების და თავიანთი გამდიდრებისთვის მიზანმიმართული პოლიტიკაა, რეალურად კი ბოლო სამ წელში, პურის ფქვილი სამჯერ გაძვირდა, შესაბამისად, პურპროდუქტები. ოპოზიცია გამოეხმაურა ირაკლი ღარიბაშვილის გუშინ გაკეთებულ კიდევ ერთ განცხადებას, სადაც პრემიერმა აღნიშნა, რომ ბოლო ათ წელში, სიღარიბე 500 ათასმა ადამიანმა დასძლია. ეს კი მაშინ, როცა ოფიციალური სტატისტიკით საპირისპირო მტკიცდება. მხოლოდ აჭარაში, 147 ათასი ოჯახი, სოციალურად დაუცველთა ბაზაში რეგისტრაციას ითხოვს.