#ახალიამბები
ახალი სკანდალი „ნაციონალურ მოძრაობაში“. ხაბეიშვილის ფლანგი მელიას თანამოაზრეებს რეგიონებში პარტიული თანამდებობების დატოვებას სთხოვს. ინფორმაციას ბათუმის საკრებულოს ფრაქცია "ნაციონალური მოძრაობის" თავმჯდომარე ადასტურებს. ნოდარ დუმბაძე ამბობს, რომ პოსტის დატოვება ახალმა მენეჯმენტმა მოსთხოვა. მისი თქმით, გადადგომა არგუმენტების გარეშე „შესთავაზეს“, თუმცა, დაავალდებულეს, რომ თანამდებობის დატოვების შემდეგ გუნდში მაინც დარჩეს. ვრცელდება ინფორმაცია, რომ ხაბეიშვილის გუნდი მელიას მხარდამჭერებს თანამდებობების დატოვებას სხვა რეგიონებშიც სთხოვენ.