#ახალიამბები
გარდაიცვალა 6 წლის ბავშვი, რომელიც ბათუმის ბულვარში, ქარმა ბატუტიდან გაიტაცა. შემთხვევა, გუშინ, არდაგანის ტბასთან მოხდა. ადგილზე სასწრაფო სამედიცინო დახმარების ჯგუფი და სამაშველო სამსახური იმყოფებოდა. თვითმხილველების თქმით, უეცრად მოვარდნილმა ქარმა ბატუტი დაახლოებით 150 მეტრის მოშორებით, გადააგდო. შემთხვევის შედეგად დაშავდა ორი მოზარდი, მათგან ერთი კლინიკაში მიყვანამდე დაიღუპა. როგორც სასწრაფო-სამედიცინო დახმარების ცენტრში გვითხრეს, დაშავებული ბავშვი იაშვილის სახელობის დედათა და ბავშვთა ცენტრში გადაიყვანეს. სამედიცინო დაწესებულის ინფორმაციით, სამი წლის ბავშვის მდგომარეობა მძიმეა. შინაგან საქმეთა სამინისტრომ, ფაქტზე გამოძიება სისხლის სამართლის კოდექსის 240-ე მუხლით დაიწყო, რაც უსაფრთხოების ნორმების დარღვევას გულისხმობს.