#ახალიამბები
„ჩვენს ევროპულ მომავალს დღეს ყველაზე დიდ საფრთხეს უქმნის ხელისუფლება, რომლის პოლიტიკა არც ფრთხილი და არც დაბალანსებული აღარაა“ – ასე ეხმაურება პარტია „საქართველოს“ ლიდერი „ხალხის ძალის“ მიერ ინიცირებულ კანონპროექტს. გიორგი გახარიას თქმით, ევროპა მშვიდობაა, საპირისპიროდ, რუსეთთან პირისპირ მარტო დარჩენა კი ომს ნიშნავს. ყოფილი პრემიერის განცხადებით, ისტორიულმა გამოცდილებამ აჩვენა, რომ დასავლეთთან ერთობის გარდა, სხვა გეოპოლიტიკური არჩევანი საქართველოს არ აქვს. „მალე კანონზე დაყრდნობით აგენტს დაუძახებენ ყველას, ვინც საპირისპირო აზრს გამოთქვამს“, - ამბობს გახარია. მისივე თქმით, „ოცნება“ ევროპული მომავლის ნაცვლად ირჩევს ხელისუფლებაში დარჩენას ნებისმიერ ფასად.