#ახალიამბები
"რუსული კანონი არ არის საქართველოს არჩევანი" - სამოქალაქო საზოგადოება „ხალხის ძალის“ მიერ ინიცირებულ კანონპროექტთან დაკავშირებით, პეტიციას ავრცელებს. ავტორები აცხადებენ, რომ ეს კანონპროექტი მიმართულია, არა მხოლოდ, თავისუფალი სამოქალაქო საზოგადოების ორგანიზაციებისა და კრიტიკული მედიის, არამედ საქართველოს მოსახლეობის წინააღმდეგ. პეტიციაში ნათქვამია, რომ ამ კანონპროექტის მიღება იქნება შეტევა მთავარ ქართულ ფასეულობებზე - ღირსების განცდაზე, დამოუკიდებლობასა და სამოქალაქო სოლიდარობაზე. გარდა ამისა, კანონპროექტის მიღება სერიოზულად დააზიანებს ქვეყნის ევროპასთან ინტეგრაციის პროცესს.