#ახალიამბები
კომუნიკაციების კომისია, გაეროს ბავშვთა ფონდის დაფინანსებით და საქართველოს განათლებისა და მეცნიერების სამინისტროსთან თანამშრომლობით, „მედიაწიგნიერების ფორმალურ განათლებაში ინტეგრირების“ პროექტს ახორციელებს. იგი საქართველოს ყველა რეგიონიდან, ჯამში, 500 მასწავლებლის გადამზადებას ისახავს მიზნად. მედიააკადემიაში სემინარი იმ ტრენერებს ჩაუტარდათ, რომლებიც მომავალში პედაგოგებს გადაამზადებენ. შეხვედრა მედიაწიგნიერების ექსპერტმა, ნატალია ინგოროყვამ ჩაატარა. ტრენერებს აღნიშნული პროექტის საკითხებსა და მათ სწორად სწავლებაზე მიაწოდათ ინფორმაცია.