#ახალიამბები
მიხეილ სააკაშვილის სასამართლო პროცესი დაახლოებით ნახევარ საათში დაიწყება. მესამე პრეზიდენტისთვის სასჯელის გადავადებასთან, ან სასჯელისგან გათავისუფლებასთან დაკავშირებით, მოსამართლემ გადაწყვეტილება, შესაძლოა, დღეს, გამოაცხადოს. დაცვის მხარე ითხოვს, მოსამართლემ, ბოლო სხდომა, "ვივა- მედის" კლინიკაში ჩაატაროს და პაციენტის მდგომარეობა საკუთარი თვალით ნახოს. რა ვერდიქტს გამოიტანს მოსამართლე, ცნობილი მალე გახდება. პროცესი 17:00 საათზეა ჩანიშნული. მხარეები დასკვნითი სიტყვით წარსდგებიან. სხდომის პარალელურად "ნაციონალური მოძრაობა" და ექსპრეზიდენტის მხარდამჭერები, სასამართლოს შენობასთან აქციას აანონსებენ. სააკაშვილის გათავისუფლების შემთხვევაში ევროპის რამდენიმე სახელმწიფო მზადაა, სამედიცინო თვითმფრინავი გამოაგზავნოს და სააკაშვილის გადაყვანა უზრუნველყოს.