#ახალიამბები
გამანადგურებელი მიწისძვრა თურქეთსა და სირიაში. ბოლო მონაცემებით, 360-ზე მეტი ადამიანია დაღუპული თურქეთში, სირიაში 237-ზე მეტი. დაშავებულთა რიცხვი კი 2 ათასს აჭარბებს. უცნობია, ნანგრევებში მოყოლილთა რაოდენობა. ვარაუდობენ, რომ მსხვერპლის რიცხვი გაიზრდება. აშშ-ის გეოლოგიური სამსახურის მონაცემებით, 7,8 მეათედიანი მაგნიტუდის მიწისძვრა, ადგილობრივი დროით, 4 საათისთვის, ქალაქ გაზიანტეპთან მოხდა, რამდენიმე წუთის შემდეგ ბიძგები განმეორდა. თურქეთის სეისმოლოგიური კვლევის ინსტიტუტის მონაცემებით, თურქეთის ისტორიაში, ეს სიდიდით მეორე მიწისძვრაა, 1999 წლის შემდეგ, როცა ჩრდილოეთით დუზჯეში 7,4 მაგნიტუდის ბიძგებს 17 ათასზე მეტი ადამიანი ემსხვერპლა. თურქეთის ხელისუფლებამ განგაშის უმაღლესი დონე გამოაცხადა და დახმარებას საერთაშორისო თანამეგობრობას სთხოვს. თურქეთ - სირიის საზღვარზე მომხდარი ძლიერი მიწისძვრის შემდეგ ცუნამის საფრთხეა იტალიაში. ძლიერი ბიძგები იგრძნობოდა საქართველოში, კვირპროსზე, ეგვიპტეში, სირიაში, ლიბანსა და ერაყში.