#ახალიამბები
გიორგი კირთაძემ საკრებულო სამეგობრო წრით დააკომპლექტა - ამის შესახებ ლევან ანთაძემ TV25-ის ეთერში განაცხადა. „ერთიანი ნაციონალური მოძრაობის“ წევრმა გადაცემა “პოზიციაში” საუბრისას თქვა, რომ ყველა, ნაზი ფუტკარაძისა და რევაზ ხარაზის გარდა, ამ სიაში არიან. ლევან ხაბეიშვილის მხარდამჭერმა პარტიაში ჩატარებული არჩევნების კომენტირებისას დაადასტურა, რომ ამ საკითხზე შეუთანხმებლობა მართლაც არსებობდა. თქვა ისიც, რომ გიორგი კირთაძის კანდიდატურა ბათუმის ორგანიზაციის თავმჯდომარის პოსტზე მიუღებელი იყო და გუნდში განხეთქილების შეტანას ნიკა მელია ცდილობდა. ბრალდებას გიორგი კირთაძე არ პასუხობს. მისი თქმით, ამ თემაზე და შიდაპარტიულ საკითხებზე საჯაროდ საუბარს აღარ აპირებს.