#ახალიამბები
ახალ წლამდე 1 კვირით ადრე შუახევი საახალწლო ნაძვის ხის გარეშეა. მუნიციპალიტეტის მერიამ ტენდერში გამარჯვებული კომპანიის მიერ დამონტაჟებული ახალი წლის მთავარი ატრიბუტი დაშალა. უწყება საახალწლო ნაძვის ხეს, ამჯერად, ტენდერის გარეშე, პირდაპირი შესყიდვის წესით, 49 ათას 556 ლარად იყიდის. მერიაში გვითხრეს, რომ თანხმობისთვის შესყიდვების სააგენტოს უკვე მიმართეს. საახალწლო ნაძვის ხის ანთება შუახევში, 26 დეკემბრისთვის იყო დაანონსებული, თუმცა, არსებული მოცემულობის გამო, საზეიმო ღონისძიება 28 დეკემბრამდე გადაიდო.