#ახალიამბები
მესამე დღე ელექტროენერგიისა და ბუნებრივი აირის გარეშე - ბათუმში, „ვოქსის“ კორპუსში მცხოვრებლები კომუნალური სერვისების დროულ აღდგენას ითხოვენ. ადგილობრივებმა დღეს საპროტესტო აქცია გამართეს. შენობის ეზოში შეკრებილების თქმით, ალტერნატიულ საცხოვრებელში გადასვლის საშუალება არ აქვთ, რის გამოც სიცივესა და უშუქობაში არიან. ამბობენ, რომ ესმით არსებული სიტუაცია, თუმცა სურთ, მიიღონ პასუხი კითხვაზე, თუ როდის დაიწყება აღდგენითი სამუშაოები. „ენერგო პრო ჯორჯიაში“ გვითხრეს, რომ ელექტროენერგიას 22 სართულიან კორპუსში მცხოვრებლებს უსაფრთხოების მიზნით არ აწვდიან. იმავეს გვპასუხობენ „სოკარ ჯორჯია გაზი აჭარაში“.