#ახალიამბები
ბათუმში, "ვოქსის" ბოლო სართულზე ხანძარი გუშინ, ღამის 12 საათზე გაჩნდა. რესტორანი 3 საათის განმავლობაში იწვოდა და მთლიანად განადგურდა. ადგილზე სახანძრო სამაშველო სამსახურის ათამდე ეკიპაჟი მთელი ღამის განმავლობაში მუშაობდა. მეხანძრე-მაშველებმა შენობის ქვედა სართულებზე მცხოვრები მოსახლეობის ევაკუაცია მოახდინეს, ამ დრომდე უცნობია, რა გახდა ხანძრის გამომწვევი მიზეზი. შინაგან საქმეთა სამინისტროს ცნობით, გამოძიება სისხლის სამართლის კოდექსის 188-ე მეორე მუხლით დიწყო, რაც ნივთის დაზიანებას ან განადგურებას, ცეცხლთან ან მომატებული საფრთხის წყაროსთან გაუფრთხილებელ მოპყრობას გულისხმობს. დანაშაული ისჯება ჯარიმით, ან გამოსასწორებელი სამუშაოთი ვადით ორ წლამდე, ან შინაპატიმრობით ვადით ერთიდან ორ წლამდე, ანდა თავისუფლების აღკვეთით ვადით ორ წლამდე.