#ახალიამბები
საქართველოში ევროკავშირის წარმომადგენლობამ საგანგებო სიტუაციების მართვის სამსახურს 7 მაღალი გამავლობის მანქანა „პიკაპი“, 3 ყველგანმავალი „კვადროციკლი“, სამი დრონი, თხილამურებისა და სათხილამურო აღჭურვილობის 40 და სამძებრო აღჭურვილობის 12 ერთეული კომპლექტი გადასცა. აღნიშნული დახმარება გაერო-ს პროექტების მომსახურების ოფისის მიერ, ევროკავშირის SAFE პროგრამის ფარგლებში შეიძინეს. პროექტი საქართველოს უსაფრთხოების სექტორის ეფექტურობისა და ანგარიშვალდებულების გაუმჯობესებას ისახავს მიზნად. შესაბამისი პროგრამა 2020 წლიდან ხორციელდება.