#ახალიამბები
აჭარის საავტომობილო გზების დეპარტამენტმა 2022 წლის შემაჯამებელი ანგარიშის პრეზენტაცია გამართა. უწყების ცნობით, მიმდინარე წელს საგზაო ინფრასტრუქტურის მშენებლობა, რეაბილიტაცია, მოვლა-შენახვისთვის 53 ათას ლარზე მეტი დაიხარჯა. 17 მიმართულებით მოეწყო ასფალტობეტონის საფარი, რეაბილიტაცია ჩაუტარდა 30 კილომეტრზე მეტი სიგრძის საავტომობილო გზას. გარკვეულ ადგილებზე კვლავ მიმდინარეობს სამუშაოები, რომელიც მომავალ წელს დასრულდება. სხვადასხვა მიმართულებით 190 ხელოვნური ნაგებობა მოეწყო. აშენდა და რეაბილიტირდა 13 ხიდი. დასრულდა 167 საყრდენი კედლის მშენებლობა და მოეწყო 10 დამცავი ნაგებობა. დეპარტამენტის 2023 წლის ბიუჯეტი 59 მილიონ 549 ათას ლარს აჭარბებს.