ნოემბერი 17, 2022
#ახალიამბები
ლევან ხაბეიშვილმა ენმ-ის თავმჯდომარეობის არჩევნებში საკუთარი კანდიდატურა წარადგინა. მისი თქმით, გადაწყვეტილება რამდენიმე დღიანი კონსულტაციების შემდეგ მიიღო. როგორც თავად ამბობს, იღებს გამოწვევას, რათა დაბრუნდეს ძლიერი, აქტიური ნაციონალური მოძრაობა და რეალური, უკომპრომისო, მებრძოლი ოპოზიცია პოლიტიკაში. ამასთან, ხაბეიშვილი მიხეილ სააკაშვილის მდგომარეობასთან დაკავშირებით შტაბის შექმნის ინიციატივით გამოვიდა. შეგახსენებთ, ნაცმოძრაობის წევრმა, ირაკლი ნადირაძემ 9 ნოემბერს განაცხადა, რომ პარტიის რეგიონული ლიდერები შიდა პარტიულ არჩევნებს ითხოვენ, რაც მათ შორის ახალი თავმჯდომარის არჩევას გულისხმობს. პოსტზე ნიკა მელიასთან ერთად, საკუთარი კანდიდატურები დააყენეს გიორგი ჩალაძემ და გიორგი მუმლაძემაც.
მაჩვენე მეტი