ნოემბერი 17, 2022
#ახალიამბები
ოლიგარქების სიას პარლამენტის ნაცვლად, ირაკლი ღარიბაშვილი შეადგენს. „ქართული ოცნების“ გუნდმა შეცვალა მიდგომა, რომელიც ამ ფუნქციას პარლამენტს აკისრებდა. დეოლიგარქიზაციის კანონპროექტში შევიდა ცვლილება, რომ ე.წ. ოლიგარქთა რეესტრის შედგენა პრემიერმინისტრის კომპეტენცია იქნება. როგორც მმართველ გუნდში ამბობენ, აღნიშნული ცვლილება იმისათვის განხორციელდა, რომ უკრაინულ კანონთან სრულ თანხვედრაში ყოფილიყო. ოპოზიციაში აცხადებენ, რომ დეოლიგარქიზაციაზე საუბრისას ევროპელი პარტნიორები პირდაპირ გულისხმობენ ბიძინა ივანიშვილს, რომელიც საქართველოში არაფორმალურ მმართველად მიიჩნევა. მმართველ გუნდში კი, ივანიშვილს მეცენატად და პოლიტიკიდან გასულ პირად წარმოაჩენენ.
მაჩვენე მეტი