#ახალიამბები
ოპოზიცია აჭარის მთავრობას, კვლავ, კორუფციაში ადანაშაულებს. ხელვაჩაურის საკრებულოს წევრებმა, მთავრობის სახლის წინ 80-ზე მეტი დოკუნემტი მიიტანეს, რომლებიც, მათი მტკიცებით, კორუფციულ გარიგებებს ასახავს. ოპოზიცია ხელს მუნიციპალიტეტის ყოფილი მერებისკენ იშვერს. ხელისუფლების ოპონენტები აპროტესტებენ იმას, რომ ჯუმბერ ვარდმანიძე და ნადიმ ვარშანიძე, ამ დრომდე, რეგიონში საპასუხისმგებლო თანამდებობებს იკავებენ. მათი ინფორმაციით, კორუფციულ გარიგებებთან დაკავშირებით, სხვადასხვა საქმეებზე გამოძიება გრძელდება. ცნობისთვის, ვარდმანიძე ამ ეტაპზე აჭარის განათლების მინისტრის მრჩეველის პოზიციას იკავებს, ვარშანიძე კი, უმაღლესი საბჭოს დეპუტატია.