#ახალიამბები
ბოლო ერთი კვირაა სოციალურ ქსელებში ვრცელდება ინფორმაცია ბავშვების გატაცების შესახებ, რაც სიმართლეს არ შეესაბამება. ადამიანები ყალბი პროფილების მეშვეობით ფეისბუქის სხვადასხვა ჯგუფებსა და ჩატებში წერენ, რომ ბათუმში, მოზარდებს სკოლის ეზოებიდან იტაცებენენ. მოსახლეობა პანიკაშია და დახმარებისთვის TV25-ს მიმართავს. შინაგან საქმეთა სამინისტროში ბავშვების დაკარგვის შესახებ ინფორმაცია არ ფიქსირდება. ძალოვან უწყებას არ გამოუვლენია იმ ადამიანთა ვინაობა, რომლებიც მშობლებს უსაფუძვლოდ აშინებენ. მოგიწოდებთ არ აყვეთ უსაფუძვლო პანიკას და გადაუმოწმებელი ინფორმაციის გავრცელებას ხელი არ შეუწყოთ. უცნობია რა მიზანი აქვთ იმ პირებს, რომლებიც მშობლებს ასეთი მეთოდებით აშინებენ.