#ახალიამბები
ბათუმის მერი მოქალაქეთა მიღებას განაგრძობს. მორიგ შეხვედრაზე, რომელსაც მუნიციპალური სამსახურების წარმომადგენლებიც ესწრებოდნენ მოსახლეობას იმ პროექტებთან დაკავშირებით მიაწოდეს ინფორმაცია, რომლებიც ამ ეტაპზე მიმდინარეობს. უწყების მიერ გავრცელებულ ინფორმაციაში ასევე, წერია, რომ არქიტექტურის სამსახურის მიერ სხვადასხვა სახის რეკომენდაცია გაიცა. დაისვა საკითხები ბინათმესაკუთრეთა ამხანაგობის მიმართულებითაც. შეხვედრისას ისაუბრეს ჯანდაცვის მიმართულებით არსებულ გამოწვევებზეც. მოსახლეობასთან შეხვედრები იმართება, როგორც სერვისცენტრებში, ასევე მერიის ადმინისტრაციულ შენობაში.