#ახალიამბები

დაავადებათა კონტროლისა და საზოგადოებრივი ჯანმრთელობის ეროვნული ცენტრი კორონავირუსთან დაკავშირებით 2020-2022 წლების ანგარიშს აქვეყნებს. „ენსიდისის“ ცნობით, სტაციონარებიდან გაწერილ 211 673 კოვიდინფიცირებულ პაციენტს შორის 33%-ში ჯანმრთელობის მდგომარეობის გართულება აღინიშნა. მონაცემების თანახმად, გართულებებს შორის პნევმონია და სუნთქვის უკმარისობა დომინირებს. ამავე ანგარიშის თანახმად, 2020 წლის მარტიდან 2022 წლის ივნისის ჩათვლით მონაკვეთში პაციენტების საავადმყოფოში დაყოვნების საშუალო პერიოდი 10 დღეს შეადგენდა.