#ახალიამბები

სატელევიზიო და რადიო მაუწყებლების ჯამურმა კომერციულმა სარეკლამო შემოსავალმა 2022 წლის მეორე კვარტალში 19 მილიონი ლარი შეადგინა. მონაცემი წინა წლის ამავე პერიოდთან შედარებით 4.მილიონ 100 ათასი ლარით ანუ 17.5%-ით ნაკლებია. ამის შესახებ, ინფორმაციას კომუნიკაციების კომისია ავრცელებს. ორგანიზაციის ცნობით, სარეკლამო შემოსავლების კლება აზარტული თამაშების სამაუწყებლო რეკლამის შესახებ ახალი რეგულაციითაა გამოწვეული, რომელიც ძალაში მიმდინარე წლის 1-ელი მარტიდან შევიდა. სარეკლამო შემოსავლების 67.4% პირდაპირმა რეკლამამ შეადგინა. აღსანიშნავია, რომ რეგულაციის ამოქმედებამდე აზარტული თამაშების ორგანიზატორი კომპანიები მაუწყებლების მსხვილ დამფინანსებლებს წარმოადგენდნენ.