#ახალიამბები

მოქალაქე ხელისუფლებას პრეტენზიებით მიმართავს. დავით აზნაურიშვილი საქონლის ფერმისთვის საჭირო ტერიტორიის გამოყოფას ითხოვს. ყვება, რომ ბათუმში, აეროპორტის მიმდებარე ტერიტორიაზე, სახელმწიფო მიწაზე, 10 წლის განმავლობაში გაშენებული ფერმა, რამდენიმე თვის წინ, გზის მოწყობითი სამუშაოების გამო, მუნიციპალურმა ინსპექციამ, დაუნგრია. საქონელი კი ღია ცის ქვეშ დარჩა. იმის გამო, რომ ალტერნატიული მიწის ფართობი არ აქვს, მსხვილფეხა რქოსანი ცხოველები, ქუჩაში ჰყავს გამოყვანილი. აზნაურიშვილის თქმით, დახმარების თხოვნით სხვადასხვა უწყებას რამდენჯერმე მიმართა, თუმცა უშედეგოდ. დაკმაყოფილდება, თუ არაა მოქალაქის მოთხოვნა უცნობია. ჩვენს კითხვებზე პასუხს თავი ყველა პასუხისმგებელმა უწყებამ აარიდა.