#ახალიამბები

საქართველოს საზღვარზე განსაკუთრებით დიდი ოდენობით ძვირფასი ლითონის უკანონოდ გატანის მცდელობის ფაქტი გამოვლინდა. გამოძიებით დადგინდა, რომ სომხეთის რესპუბლიკის მოქალაქემ საქართველოდან თურქეთის რესპუბლიკაში, საბაჟო კონტროლისაგან მალულად გადატანა სცადა. ოქროს ჯართის საბაჟო ღირებულებამ 133 ათას ლარზე მეტი შეადგინა. გამოძიება საქართველოს სისხლის სამართლის კოდექსის 214-ე მუხლის მე-2 ნაწილით მიმდინარეობს, რაც 5-დან 7 წლამდე ვადით თავისუფლების აღკვეთას ითვალისწინებს.