#ახალიამბები

სააფთიაქო ნარკომანიაში აჭარასა და სხვა რეგიონებში 22 აფთიაქი ამხილეს. უკანონო სამეწარმეო საქმიანობის ფაქტებზე პასუხისგებაში 13 იურიდიული და 43 ფიზიკური პირი მიეცა. სხვადასხვა დასახელების ფსიქოტროპული და სპეციალურ კონტროლს დაქვემდებარებული მედიკამენტების რეალიზაციას აფთიაქები სანებართვო პირობების დარღვევით, რეცეპტის გარეშე, ახდენდნენ. ხელმძღვანელებმა უკანონო სამეწარმეო საქმიანობის შედეგად ასეულობით ათასი ლარის შემოსავალი მიიღეს. გამოძიება საქართველოს სისხლის სამართლის კოდექსის 192-ე მუხლის პირველი და მეორე ნაწილებით გრძელდება, რაც სასჯელის სახით 3-დან 5 წლამდე ვადით თავისუფლების აღკვეთას ითვალისწინებს .