#ახალიამბები\

ბოლო 7 თვეში, საქართველოში ყირიმ-კონგოს 42 შემთხვევა დადასტურდა, გარდაიცვალა 2 პაციენტი - ამის შესახებ დაავადებათა კონტროლის ეროვნული ცენტრის ხელმძღვანელმა განაცხადა. ამირან გამყრელიძის ინფორმაციით, ქვეყანაში ყირიმ-კონგოს შემთხვევები მომატებულია. ყირიმ-კონგოს დაავადება საქართველოში 2009 წელს გამოჩნდა. როგორც გამყრელიძე ამბობს, ქვეყანაში ყოველწლიურად იყო 1-10-15 შემთხვევა, წელს კი ყველაზე მეტი შემთხვევაა დადასტურებული. ყირიმ-კონგო ერთ-ერთი ყველაზე მძიმე დაავადებაა. ის ტკიპების საშუალებით სხვადასხვა ცხოველიდან, განსაკუთრებით შინაური ცხოველებიდან გადადის. მისთვის დამახასიათებელია მაღალი ცხელება, პირის სიმშრალე, თავბრუსხვევა, ღებინება, ლორწოვანი გარსების შეწითლება. ძირითადად, მკურნალობა აუცილებელია სტაციონარში", - აღნიშნავს გამყრელიძე "ინტერპრესნიუსთან" საუბრისას.