#ახალიამბები

„დასავლეთს არასოდეს უცდია საქართველოს ომში ჩათრევა.“ - ამერიკის ელჩი ბიძინა ივანიშვილთან შეხვედრის შინაარსთან დაკავშირებულ საკითხზე პირველ განცხადებას აკეთებს. კელი დეგნანმა „ინტერპრესნიუსთან“ ინტერვიუში აღნიშნა, რომ როცა მსგავს განცხადებებს მმართველი პარტიის წევრები ეხმიანებიან, ისინი ცუდ სამსახურს უწევენ ქართველ ხალხს. საქართველოში ამერიკის შეერთებული შტატების ელჩი რამდენიმე თვეა ჩვენს ქვეყანაში კრიტიკის ობიექტია. დიპლომატს მის წინააღმდეგ გაჩაღებული კამპანია აკვირვებს და მიიჩნევს, რომ უნდა დაისვას კითხვა, რა არის ამ ყალბი ინფორმაციის მოტივი. დეგნანის თქმით, მოქალაქეების უმრავლესობამ უსაფრთხო მომავალი აირჩია და მას პოლიტიკური ლიდერები აფერხებენ.