#ახალიამბები

კერამიკულ ჭურჭელში ტყვიის შემცველობა აღმოჩნდა. სურსათის ეროვნული სააგენტოს ინფორმაციით, იმპორტიორს შპს "ტერმინალ ვესტ თრეიდინგს" პროდუქციის ამოღება დაევალა. სააგენტო იმ მომხმარებლებს, ვისაც უკვე შეძენილი აქვს მითითებული კომპანიის მიერ შემოტანილი ჭურჭელი მოუწოდებს, მისი გამოყენებისგან თავი შეიკავონ. სურსათის ეროვნულმა სააგენტომ აღნიშნული ფაქტის შესახებ იმპორტიორს წერილობით აცნობა და მომხმარებლის ჯანმრთელობის დაცვის მიზნით, თეფშების დასახელებული პარტიის გაყიდვიდან მოხსნისკენ მიუთითა.