#ახალიამბები

დასავლეთი „ქართულ ოცნებას“ აკრიტიკებს. აშშ-ის სახელმწიფო დეპარტამენტი ხელისუფლების წარმომადგენლების მხრიდან კელი დეგნანის მიმართ შეურაცხყოფას და თავდასხმებს ეხმაურება. სპიკერმა ნედ პრაისმა, სანამ ჟურნალისტების კითხვებს უპასუხებდა, განცხადება სწორედ ამ თემაზე გააკეთა და თქვა, რომ საქართველოს ხელისუფლების წარმომადგენელთა ქმედებები პარტნიორების მუშაობას არ შეესაბამება. აშშ-ის სახელმწიფო დეპარტამენტის სპიკერის თქმით, როგორც ჩანს, „ქართული ოცნების“ წევრის ბოლოდროინდელი რიტორიკა, ცდილობს, ხელი შეუშალოს საქართველოს მოსახლეობას ევროკავშირისკენ სწრაფვაში. ბოლო რამდენიმე დღეა, ქართული ოცნების წარმომადგენლები უშუალოდ აშშ-ის ელჩს, კელი დეგნანს პერსონალურ შეურაცხყოფას აყენებენ.