#ახალიამბები
“ერთიანი ნაციონალური მოძრაობა“ ბათუმის საკრებულოს დეპუტატებს მოუწოდებს, ჩანიშნულ სხდომაზე, დღის წესრიგით გათვალისწინებულ მეორე საკითხს მხარი არ დაუჭირონ. საუბარია, ავარიული მრავალბინიანი საცხოვრებლების წესის დამტკიცებაზე. რევაზ ხარაზის განმარტებით, კანონპროექტი არა ავარიულ სახლებს, არამედ, არჩილ ჩიქოვანის ერთპიროვნულ გადაწყვეტილებებს ემსახურება. ოპოზიციონერი დეპუტატი ამბობს, რომ მერი ამ გზით, საკრებულოს გვერდის ავლით, მიიღებს გადაწყვეტილებებს, მშენებლობის ნებართვის გაცემის, ასევე K2 კოეფიციენტის გაზრდის შესახებაც. ხარაზი ფიქრობს, რომ ადგილობრივმა ხელისუფლებამ ფულის კეთების ახალი გზა გამონახა. ბრალდებების ადრესატ უწყებაში საპასუხო კომენტარი არ გაკეთებულა.