#ახალიამბები
უცნობის მიერ გავრცელებულ ფარულ ჩანაწერებზე გამოძიება დაიწყო. საუბარია აუდიოჩანაწერებზე, რომელიც მთავარი არხის გუნდის სამუშაო პროცესს ასახავს. ტელეკომპანიის ჟურნალისტები ჩანაწერების ავთენტურობას ადასტურებენ. სპეციალური საგამოძიებო სამსახურის ინფორმაციით, საქმე კომუნიკაციის საიდუმლოების დარღვევის ფაქტზე, სისხლის სამართლის კოდექსის 158-ე მუხლის 1-ლი ნაწილით აღიძრა. ცნობისთვის, ეს არაა პირველი შემთხვევა, როდესაც ჟურნალისტებზე ფარული მიყურადების ფაქტები საჯაროვდება. დღეს პროკურატურამ ფორმულას წამყვან თამარ ჩიხლაძეს სუს-ის კრებსების საქმეზე დაზარალებულის სტატუსი მიანიჭა. საუბარია ეპიზოდზე, რომელიც ჩიხლაძესა და ნატა ფერაძეს შორის დიალოგს ასახავს. ეს კომუნიკაცია ჟურნალისტის საცხოვრებელ სახლში შედგა. პროკურატურამ კრებსების ფიგურანტებს დაზარალებულის სტატუსი, მხოლოდ, მას შემდეგ მიანიჭა, რაც მათ საჩივარი სტრასბურგის სასამართლოში შეიტანეს