#ახალიამბები

დანაშაულებრივი გზით მოპოვებული ქონების შეძენა-გასაღების, ყალბი საგადასახადო დოკუმენტების დამზადება-გამოყენების, უკანონო შემოსავლის ლეგალიზაციისა და განსაკუთრებით დიდი ოდენობით გადასახადისთვის თავის არიდების ფაქტებზე, ორ პირს ბრალი წარედგინა. ბრალდებულებმა, უკანონოდ მოპოვებულ ჯამში 640 ათას 763 ლარის ღირებულების ხის მასალის ლეგალიზაციის მიზნით, ყალბი დოკუმენტები გაწერეს. დაკავებულები სისტემატურად ახდენდნენ შემოსავლების არასწორ დეკლარირებას, რა გზითაც თავი აარიდეს სახელმწიფო ბიუჯეტის სასარგებლოდ დაახლოებით 500 ათასი ლარის გადახდას. გამოძიება გრძელდება. დანაშაული 9-დან 12 წლამდე ვადით თავისუფლების აღკვეთას ითვალისწინებს.