#ახალიამბები
„ქართული ოცნების“ ლიდერები, გუშინდელ აქციას, საზოგადოების ევროინტეგრაციისკენ სწრაფვის გამოხატულებად აფასებენ. აჭარის უმაღლესი საბჭოს დეპუტატები ირწმუნებიან, რომ შეკრებილების უმრავლესობას, მმართველი პარტიის მხარდამჭერები წარმოადგენდნენ. თუმცა, კითხვაზე რატომ არ იდგნენ თავად ამომრჩევლების გვერდით ვერ გვპასუხობენ. გარდა ამისა, მათი პასუხები, აქციის მნიშვნელობის მიმართ ორაზროვანია. ამტკიცებენ, რომ რადიკალურ ოპოზიციას მხარდამჭერები არ ჰყავთ, თუმცა, შეკრების ორგანიზება მაინც, ოპონენტებს მიაწერენ. დეპუტატებს კითხვები დავუსვით, დეოლიგარქიზაციაზეც. მმართველი გუნდის წევრები, ევროკავშირის მოწოდებას არა ბიძინა ივანიშვილის, არამედ, მიხეილ სააკაშვილის, დავით სააკაშვილისა და კეზერაშვილის, ასევე, მამუკა ხაზარაძის მისამართით გაჟღერებულად თვლიან.