#ახალიამბები
ბათუმსა და ფოთში შავი ზღვის სამეურნეო წყლებით დაბინძურების 3 ფაქტი გამოავლინდა. დარღვევები გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, სასაზღვრო პოლიციასთან ერთად აღმოაჩინეს. გემები პანამის, ლიბერიისა და ტანზანიის დროშების ქვეშ ცურავდნენ. სასამართლომ სამივე გემი სამართალდამრღვევად სცნო და თითოეულს 65-ათას ლარიანი ჯარიმა დააკისრა. გარემოსთვის მიყენებული ზიანის ჯამურმა თანხამ კი, 64 ათასამდე ლარი შეადგინა.
მცურავ საშუალებებს საქართველოს ტერიტორიული წყლების დატოვებისა და თავისუფალი ნაოსნობის უფლება დაკისრებული საჯარიმო სანქციისა და გარემოსთვის მიყენებული ზიანის თანხის გადახდის შემდეგ მიეცა.