#ახალიამბები
„ქართული ოცნება“ ევროპარლამენტის რეზოლუციასთან დაკავშირებით გუშინდელ რიტორიკას განაგრძობს. სახელისუფლებო გუნდში სტრასბურგში მიღებულ დოკუმენტს არაობიექტურს და არასამართლიანს უწოდებენ. კობახიძის მიერ ჩალის ფასად შეფასებული საერთაშორისო დონის რეზოლუცია, ალუდა ღუდუშაურმა ნულის ფასად შეაფასა. მმართველ გუნდში ამბობენ, რომ ივანიშვილს ევროპარლამენტის გადაწყვეტილებით არაფერი დააკლდება და იგი მხნედაა. შეგახსენებთ, ევროპარლამენტმა ბიძინა ივანიშვილისთვის სანქციების დაწესება მოითხოვა. სხდომაზე, სადაც დეპუტატებმა საქართველოსთვის კანდიდატის სტატუსის მინიჭებას დაუჭირეს მხარი, რეზოლუციას, ხმათა უმრავლესობით, დაემატა პუნქტი, რომელიც ოლიგარქის პერსონალურ დასანქცირებას ეხება.