#ახალიამბები
კომუნიკაციების კომისიის მედიააკადემიამ მედიის წარმომადგენლებისა და ჟურნალისტიკის ფაკულტეტის სტუდენტებისთვის ორდღიანი ტრენინგი ჩაატარა. „რა არის ევროპა?!“ - თემაზე სემინარს რუსუდან გორგილაძე გაუძღვა. ტრენინგზე მნიშვნელოვანი დრო დაეთმო ევროპის კავშირის შექმნის ისტორიას. მონაწილეებმა დეტალური ინფორმაცია მიიღეს, თუ რა ეტაპები გაიარა ევროკავშირმა გაფართოების პროცესში. შეისწავლეს გაერთიანების ინსტიტუციები და კულტურული მრავალფეროვნება. ასევე, ინტერაქციულ ფორმატში განიხილეს და იმსჯელეს ევროპაში საქართველოს ადგილისა და როლის, მომავალი ხედვების შესახებ.