#ახალიამბები
ბიზნესმენი გალიფ ოზთურქი დაკავებულია. ფინანსთა სამინისტროს საგამოძიებო სამსახურის ინფორმაციით, საქმე ეხება, ოზთურქის მიერ განსაკუთრებით დიდი ოდენობით გადასახადისთვის განზრახ თავის არიდების, ყალბი საანგარიშსწორებო დოკუმენტების დამზადება-გამოყენებისა და უკანონო შემოსავლის ლეგალიზაციის შესაძლო ფაქტს. დაკავებულის საცხოვრებლის ჩხრეკის შედეგად, სხვა ნივთიერ მტკიცებულებებთან ერთად, დიდი ოდენობით ფული, ასევე, სავარაუდოდ ნარკოტიკული და ფსიქოტროპული ნივთიერებები ამოიღეს. დანაშაულები 6 წლამდე ვადით თავისუფლების აღკვეთას ითვალისწინებს. ოზთურქის დაკავების ფაქტს, კომპანია “მეტრო ჰოლდინგის” მენეჯმენტი გამოეხმაურა. როგორც მათ მიერ გავრცელებულ განცხადებაშია ნათქვამი, მომხდარს ადვოკატები და ჰოლდინგის წარმომადგენლობა სწავლობს.