#ახალიამბები
პირველკლასელთა საყოველთაო რეგისტრაციის პროცესი, ტრადიციულად, სირთულეების ფონზე წარიმართა. სოციალურ ქსელში დაფიქსირებული მოსაზრებებით, ირკვევა, რომ მშობელთა ნაწილმა ბავშვების სასურველ სკოლებში დარეგისტრირება ვერ მოახერხა.

ქვეყნის მასშტაბით პირველკლასელთა საყოველთაო ელექტრონული რეგისტრაცია, დღეს, დილით  დაიწყო. გასული წლების მსგავსად, საიტის გახსნიდან რამდენიმე წამში, თითქმის, ყველა ადგილი შეივსო. მათ ვინც რეგისტრაციის გავლა მოახერხა, სკოლებში, აუცილებელი დოკუმენტაცია, 16 ივნისიდან 30 ივნისის ჩათვლით უნდა წარადგინონ. წინააღმდეგ შემთხვევაში, რეგისტრაცია ავტომატურად გაუქმდება. გუშინდელი მონაცემებით, ბათუმის საჯარო სკოლებში, სულ, 1735 თავისუფალი ადგილი იყო.

გთავაზობთ სახალისო ვიდეოს, როგორ აღწერს, 6 წლის, დემეტრე თებიძე, პირველკლასელთა რეგისტრაციასთან დაკავშირებულ გართულებულ პროცესს.