#ახალიამბები

2023 წელს, ბათუმში, ტურიზმის ოსკარად წოდებული World Travel Awards-ის დაჯილდოება გაიმართება. შესაბამის შეთანხმებას ხელი უკვე მოეწერა. ცერემონიალს მსოფლიოს სხვადასხვა ქვეყნიდან ტურიზმის ინდუსტრიის წამყვანი კომპანიები, ბიზნეს და სახელმწიფო ორგანიზაციების წარმომადგენლები დაესწრებიან. მომავალში, ბათუმში, მსოფლიო მასშტაბის ტურისტული ატრაქციები, მიმართულებები, სასტუმროები, ასევე საზღვაო, საგზაო, საჰაერო ტრანსპორტის კომპანიები დაჯილდოვდებიან. ბათუმი World Travel Awards-ის გამარჯვებული 2019 წელს გახდა, ნომინაციაში - ევროპის მზარდი ტურისტული მიმართულება.