#ახალიამბები
ბიძინა ივანიშვილის ადვოკატი შვეიცარიულ ბანკთან მიმდინარე დავასა და ივანიშვილისთვის შექმნილ „რამდენიმე სხვა საეჭვო ფაქტთან“ დაკავშირებით განცხადებას ავრცელებს. ვიქტორ ყიფიანის ინფორმაციით, „კრედიტ სუისის“ საბანკო ჯგუფის წინააღმდეგ აქამდე წარმოებულ სასამართლო პროცესებსა და საბანკო ტრასტის მიერ გადარიცხვებზე შექმნილ შეფერხებებს შორის კავშირი არაა.
ყიფიანის თქმით, „კრედიტ სუისთან“ დავა წარმოებს იმ ზიანზე, რაც ივანიშვილმა შვეიცარიული ბანკის საქმიანობაში სტრუქტურული დარღვევების შედეგად განიცადა და იგი სწორედ ზიანის ანაზღაურებას მოითხოვს. ივანიშვილის ადვოკატი კომენტარის სურვილსა და აუცილებლობას, „მთავარი არხის“ მხრიდან, საზოგადოებისათვის დამახინჯებული შინაარსის ინფორმაციის მიწოდებით ხსნის. მისი თქმით, მაუწყებლის არაობიექტურობამ და ფაქტების სათავისოდ გაშუქებამ, არასწორ ინტერპრეტაციას დაუდო საფუძველი.