#ახალიამბები

კომუნიკაციების კომისიამ, „ციფრული მხარდაჭერის პროგრამის” ფარგლებში, მოსახლეობისთვის ტრენინგების ჩატარება დაიწყო. მოქალაქეები, ციფრული საჭიროებების კვლევის შედეგების საფუძველზე შემუშავებული პროგრამით გადამზადდებიან.

კომუნიკაციების კომისია „ოუფენ ნეტის“ მხარდაჭერითა და საქართველოს ეკონომიკისა და მდგრადი განვითარების სამინისტროსთან თანამშრომლობით, Log-in Georgia-ს პროექტს ახორციელებს, რომლის მიზანი ინტერნეტის გამოყენების პოპულარიზაცია, სოფლად მცხოვრები მოსახლეობისთვის ციფრული ჩართულობის ხელშეწყობა და მათ საჭიროებებსა და ინტერესებზე მორგებული ტრენინგ პროგრამების შეთავაზებაა.