#ახალიამბები
უკრაინელი დევნილები, რომლებმაც თავი საქართველოს შეაფარეს, ისევ ღია ცის ქვეშ რჩებიან. ისინი, აჭარაში, სხვადასხვა სასტუმროში იყვნენ განთავსებულნი. ახლა კი, განთავსების ადგილების დატოვება უხდებათ. მეგობარი ქვეყნის მოქალაქეებმა უკვე მიიღეს გაფრთხილება, რომ სივრცეები მალე უნდა გაათავისუფლონ. აჭარის ტურიზმის დეპარტამენტში ფაქტს სეზონის მოახლოებით და ვიზიტორთა გაზრდილი ნაკადით ხსნიან.
თინათინ ზოიძის თქმით, ორკვირიანი უფასო განთავსების შემდეგ, უკრაინელ დევნილებს ბინის იაფად პოვნაში დაეხმარებიან და ამისთვის მოხალისეთა ჯგუფი შექმნეს. მისივე ინფორმაციით, 4 მაისის მდგომარეობით, 400-მდე უკრაინელი უფასოდაა განთავსებული სხვადასხვა სასტუმროში. ზოიძის თქმით, კერძო სექტორთან მოლაპარაკებები მიმდინარეობს და არაა გამორიცხული, რომ უკრაინელი ლტოლვილები საოჯახო ტიპის სასტუმროებში განათავსონ.