#ახალიამბები

ბათუმში, პარკებისა და სკვერების გამწვანების საგაზაფხულო სამუშაოები დასკვნით ეტაპზეა. ქალაქში, სხვადასხვა ჯიშის, 5 ათასამდე ხე-მცენარე და 1 მილიონი ყვავილი ირგვება. გამწვანების აქციის ფარგლებში,ზედაღელის ქუჩაზე, ახლადრეაბილიტირებულ სკვერში ბათუმის მერმა, ადგილობრივ მოსახლეობასთან ერთად, 70-მდე ხე-მცენარე დარგო. არჩილ ჩიქოვანის თქმით, განახლებულ რეკრეაციულ სივრცეებში მოსახლეობა მოწესრიგებულ გარემოში დასვენებასა და გართობას შეძლებს. ბათუმის მერიის ინფორმაციით, წელს ბათუმში 10 სკვერის მშენებლობაა გათვალისწინებული.