#ახალიამბები

რუსეთის არმია უკრაინის წინააღმდეგ მასობრივ შეტევას განაგრძობს. ომის 57-ე დღეს საოკუპაციო ძალები სტრატეგიულ ქალაქებზე თავდასხმებს ისევ ახორციელებენ. უკრაინის შეიარაღებული ძალების გენერალური შტაბის ინფორმაციით, რუსები ხერსონის ოლქში უკრაინასთან საბრძოლველად მოსახლეობის იძულებით მობილიზებას გეგმავენ. უკრაინის პრეზიდენტის ოფისის ხელმძღვანელის მრჩეველმა განაცხადა, რომ ამ დროისთვის, უკრაინაში დაახლოებით 90 ათასი რუსი სამხედრო იმყოფება. რუსეთმა გაეროს შეთავაზებულ სააღდგომო ჰუმანიტარულ პაუზაზე უარი თქვა. რუსეთის უკრაინაში სრულმასშტაბიანი შეჭრიდან დღემდე, მოკლულია 21 ათასი რუსი სამხედრო - ოკუპანტების საბრძოლო დანაკარგების შესახებ განახლებულ ინფორმაციას უკრაინის გენშტაბი აქვეყნებს.